یاز    دردیمی    ساغالتمادی

یاراما    بیر قیش   باغلایین

گؤیلومه    بولود    دؤشه یین

گؤزومه   یاغیش   باغلا یین

***

تای  توشو  قول  قاناد  چالدی

زیروه لرین   اوستون   آلدی.

چیرپینا      چیرپینا     قالدی

اوره ییمه    قوش    باغلایین

***

بوگونلرده    کئچدی      بلکه

دورنا   اولوب  کوچدو   بلکه

بو    قفس ده    اوچدو   بلکه

ایاغینی     بوش     باغلایین

 

 

 

نادر الهی

وقتی خورشیدهم برای تاریکی ها برقصد و پایکوبی کند دیگر از شمعکِ نحیفِ خودباخته   در دل شب چه انتظاری می توان داشت ؟

 

گونش ده قارانلیق لار اوچون دانس اِئدیب و اوینایان زاما ندا سَن درین گئجه نین قوجاغیندا آزان بیر قیریق شمعیدن نه اومورسان ؟

 

تقی نژاد ((یاغیش))

 

چهاردهم مرداد ماه 1398

 

 

بوگئجه تانری منه پای گتیریب

گؤیدن اولدوز ساییسی آی گتیریب

 

اریییب بوزلاری دونموش جانیمین

قیشیمین چیله سینه یای گتیریب

 

دولانیرمنده یئنه یاز نفسی

قوروموش تورپاغیما چای گتیریب

 

یوخوسوز گؤزلریمی دینجه سالیب

یاتماغا بیر سورو لای لای گتیریب

 

قان اولان گؤزیاشیما یولداش اولوب

داریخان قلبیمه بیر تای گتیریب

 

اوینادیب بختی قوجالمیش جانیمی

یاسا دؤنموش تویا نای نای گتیریب

 

آختاریب گوللر ایچینده گؤزلیم

سنی تانریم ((یاغیشا)) پای گتیریب

 

بیست ویکم خرداد 1396

کؤهنه بیر دردیم دِئشیلدی ، آغریلار باشلاندی باشدان

آغلادیم آخشام چاغیندا ، دَفتَریم ایسلاندی یاشدان

 

یازدیغیم سؤزلَر داغیلدی ، جومله لَر بیر بیر سؤکولدو

آیریلیق دان یاندی خودکار ، شعریمه اودلار تؤکولدو

 

گوزگولَر قَلبیمده سیندی ، دویغولاردان قان سوزولدو

هَرنَفَس دولدوم پاییزدان ، اَللریم یازدان اوزولدو

 

چوخ دَرین غَملرده جومدوم ، غَرق اولوب باتدیم اؤزومده

بویلانیب باخدیم اوزاقدان ، کِئچمیشی گؤردوم گؤزومده

 

بیزامان غَمسیز یاشاردیم ، شادلیغین قَدرین بیله ردیم

قَلبیمی توز باسمامیشدی ، آیناسین هَر گون سیله ردیم

 

هَرزادی یاددان چیخاردیب ، دونیانی باشدان آتاردیم

گون باتیب اولدوزچیخاندا ، دینجه لیب راحت یاتاردیم

 

اوندالار انسانلیق عَهدین ، آیریلیق لار بؤلمه میشدی

مهربان اِئللر ایچینده ، مهربانلیق اؤلمه میشدی

 

یوردومون جَنت باغیندا ، رَهلی گوللر سولمامیشدی

سینه لَر عِشقین یِئریدی ، کینه لَردَن دولمامیشدی

 

دونیادا چیرکین هَوَسدَن ، سِئوگی لَر آسلانمامیشدی

تانریدان آیریلمامیشدیق ، روحوموز پاسلانمامیشدی

 

ایندی آمما قیش گَلیبدیر ، دورنالار بوردان کؤچوبلَر

ایللَریم دوزسوز قالیبدیر ، آیلاریم دادسیز کِئچیبلَر

 

موشَم قاردان ((یاغیشدان )) ، قالمیشام قیتلیق چاغیندا

یارمَنی گؤزدَن سالیبدیر ، سولموشام دوستون باغیندا

 

تقی نژاد ((یاغیش))

 

بیست ویکم مهرماه 1398

 

گوزگو : آینه    قیتلیق : کمبود، قحطی

 

 

 

آلینمازقلبیمی ، آلدین الیمدن

آدین دوشمز،گئجه گوندوز دیلیمدن

 

آلیشدیم هرزامان ، هجرینده یاندیم

یولوندان دؤنمه دیم ، محکم دایاندیم

 

گوناهسیز سؤزلری ، بوغدوم نفسده !

قانادسیز قوش کیمین ، قالدیم قفسده

 

داریخدیم دونیادا ، سنسیز اوزولدوم

قاتیشدیم حسرته ، گؤزدن سوزولدوم !

 

ساییلدی یاشلاریم ، عؤمروم قوجالدی

جاوانلیق نیسگیلی ، باغریمدا قالدی

 

ایتیردیم یوردومو ، ائللر یاد اولدو

توکنمز دردیمه ، دوشمن شاد اولدو

 

قارانلیق گؤیلریم ، آیدان بوشالدی

آغاجسیز چؤللریم ، چایدان بوشالدی

 

((یاغیش))سیز گوللریم ، باغلاردا سولدو

سوسوزدان لاله لر ، داغلاردا سولدو

 

سوم آبان ماه 1396

شب خاکستری پاییزی

یک شب یخ بسته

لحظه ها غرق سکوت

جاده گورستان زیر گام ارواح !

بوی ترس و وحشت همه جا پیچیده

از پس آن شب سرد ماه غمگین به زمین می نگریست :

شبح مرگ به رقص آمده بود

شیون باد به دل غم می ریخت

تابوتی سرد وسیاه

جسدی را می برد

جسد انسان را

تا که تبعید کند به تن گورستان

وبه تاراج برد دست زمان

خاطر و یادش را 

 

 

اصفهان  هجدهم آذر 1379

سِئوگیمین یاسینی توتدوم بوگئجه !

هَرزادی ، بیر بیر اونوتدوم بو گئجه

 

عؤمرومون یانماسینا ، بَسدی دِئدیم

یاشلاری  گؤزده قوروتدوم بوگئجه

 

صاباحین  آغزی ، شیرین قند اولاجاق

آجینی چِینَدیم اوتدوم بو گئجه !

 

بیلمیرم هاردا بولانمیشدی سؤزوم !

اونو قلبیمده  دوروتدوم بو گئجه !

 

قوش کیمی  یِئرده داریخمیشدی جانیم

روحومو گؤیده اوچوتدوم بو گئجه

 

عقلینی دوستا اوتوزموشدو ((یاغیش)) !

عشقینی  بیر هئچه اوتدوم بو گِئجه !

 

هفدهم مهر 1397

 

تقی نژاد ((یاغیش))

 

برای دختر شیرین زبان روستای (( ورنکش)) میانه که در زله اخیر جان خودرا ازدست داد وتمام آرزوهای قشنگش را با خود به گور برد ، روحش شاد ویادش گرامی .

 

ریحانه قیزیم مَن سَنه لای لای چالارام  یات

نیسگیللی بالام یوم گؤزونو  بیرده اویانما

 

یِئرلرده محبت نَفَسی چوخدان اؤلوبدور

پَروانه کیمی گؤیلره اوچ ، بوردا دایانما

 

قَلبینده گؤزل آرزولارین یاندی کول اولدو

جَنتده تاپارسان هامیسین ، اونلارا یانما !

 

عؤمروم نه قَدَر وارسا گؤزوم آغلیاجاقدیر

سَنسیز گوله رَم دونیادا مَن ؟ اَصلَن اینانما

 

سون گونده کی عالمده قیامت قوپاجاقدیر

تِئز گَل ، یولونو گؤزله ییرَم اویدا یوبانما

 

آخیردا بِهشتین یِئرینه یات قوجاغیمدا

نیسگیللی بالام یوم گؤزونو بیرده اویانما

 

تقی نژاد ((یاغیش))

 

بیست ودوم آبان ماه 1398

بوقارانلیق گِئجه نین عؤمرو اوزون اولمیاجاق گِئنه ده یوردوموزا گون چیخاجاقدیر بیلیرَم دولاجاق سینه لَره بیر دَفعه ده یاز نَفَسی سویوغو ، ایستی محبت ییخاجاقدیر بیلیرَم غَم گِئدیب ، ملتیمین قَلبینه شادلیق گَلَجَک قوجامان غَملَری بیر بیر سیخاجاقدیر بیلیرَم مهربان اِئللَریمینده گوله جَک دیر دوداغی اویازیق دوشمَنیمیز آغلیاجاقدیر بیلیرَم اوتوموز قیزدیراجاقدیر سویویان کورسوموزو آلووواؤزگه لَری یاندیراجاقدیر بیلیرَم نه قَدَر بیزده نَفَس وار وَطَنیم اؤلمویه جَک

چََم حَسرَتینی مَنده اوزاقدان اوزاغا اوقَدَرآغلامیشام جان یِئتیشیب دیر دوداغا نِئچه ایللردی گؤزوم یولدا قالیب دیر گِئجه لَر اوخشاییر هَر باخیشیم پیلته سی سؤنموش چیراغا ! آچیرام پَنجره نی یول ساتاشیر گؤزلَریمه ! آیاغ آلتیندا قالان دویغو دولور بوش اوتاغا ! اویانیر خاطره لَر قلبیم اولور قان چاناغی دولانیر بیرده داماردان تؤکولور قان چاناغا ! بیر زامان توکلَریمه گوللو داراق باتمازیدیر ! ایندی بیر قیسا تِئلیم وار، اودا گَلمیر داراغا ! باخیرام هَر طَرَفه