آلینمازقلبیمی ، آلدین الیمدن
آدین دوشمز،گئجه گوندوز دیلیمدن
آلیشدیم هرزامان ، هجرینده یاندیم
یولوندان دؤنمه دیم ، محکم دایاندیم
گوناهسیز سؤزلری ، بوغدوم نفسده !
قانادسیز قوش کیمین ، قالدیم قفسده
داریخدیم دونیادا ، سنسیز اوزولدوم
قاتیشدیم حسرته ، گؤزدن سوزولدوم !
ساییلدی یاشلاریم ، عؤمروم قوجالدی
جاوانلیق نیسگیلی ، باغریمدا قالدی
ایتیردیم یوردومو ، ائللر یاد اولدو
توکنمز دردیمه ، دوشمن شاد اولدو
قارانلیق گؤیلریم ، آیدان بوشالدی
آغاجسیز چؤللریم ، چایدان بوشالدی
((یاغیش))سیز گوللریم ، باغلاردا سولدو
سوسوزدان لاله لر ، داغلاردا سولدو
سوم آبان ماه 1396
، ,بوشالدی ,اولدو ,سولدو ,آلینمازقلبیمی ,دردیمه ,اولدو قارانلیق ,شاد اولدو ,دوشمن شاد ,، دوشمن , قارانلیق گؤیلریم
درباره این سایت