بوگئجه تانری منه پای گتیریب
گؤیدن اولدوز ساییسی آی گتیریب
اریییب بوزلاری دونموش جانیمین
قیشیمین چیله سینه یای گتیریب
دولانیرمنده یئنه یاز نفسی
قوروموش تورپاغیما چای گتیریب
یوخوسوز گؤزلریمی دینجه سالیب
یاتماغا بیر سورو لای لای گتیریب
قان اولان گؤزیاشیما یولداش اولوب
داریخان قلبیمه بیر تای گتیریب
اوینادیب بختی قوجالمیش جانیمی
یاسا دؤنموش تویا نای نای گتیریب
آختاریب گوللر ایچینده گؤزلیم
سنی تانریم ((یاغیشا)) پای گتیریب
بیست ویکم خرداد 1396
پای ,بوگئجه ,نای ,بیر ,لای ,منه ,منه پای ,بوگئجه تانری ,تانری منه ,جانیمی یاسا ,قوجالمیش جانیمی
درباره این سایت